Mae Anabledd Cymru yn adolygu Confensiwn y Cenhedloedd Unedig ar Hawliau Pobl Anabl yng Nghymru (UNCRDP) ac rydym yn chwilio am dystiolaeth am yr UNCRDP a hawliau anabledd yng Nghymru.
Beth yw’r UNCRDP?
Mae CRDP yn gytundeb hawliau dynol rhyngwladol a fabwysiadwyd yn 2006. Cadarnhaodd y DU (cytuno i ddilyn) CRDP yn 2009. Gallwch ddysgu mwy amdano yma.
Drwy gadarnhau CRDP, mae’r DU yn cytuno i ddiogelu a hyrwyddo hawliau dynol pobl anabl, gan gynnwys:
· dileu gwahaniaethu ar sail anabledd
· galluogi pobl anabl i fyw’n annibynnol yn y gymuned
· sicrhau system addysg gynhwysol
· sicrhau bod pobl anabl yn cael eu hamddiffyn rhag pob math o gamfanteisio, trais a cham-drin
Yn dilyn blynyddoedd o ymgyrchu gan bobl anabl ac Anabledd Cymru, ymrwymodd Llywodraeth Cymru i ymgorffori’r CRDP yng Nghyfraith Cymru yn eu Rhaglen Lywodraethu.
Pam mae Anabledd Cymru yn ymchwilio i hyn?
Gan ei fod wedi’i gadarnhau gan y DU, mae Pwyllgor Cydraddoldeb Anabledd y Cenhedloedd Unedig yn cynnal adolygiad i’r UNCRDP yn y DU bob pum mlynedd. Oherwydd oedi, cynhaliwyd yr adolygiad cyntaf yn 2017 a bydd y nesaf yn cael ei gynnal yn 2022.
Mae Anabledd Cymru yn ysgrifennu adroddiad cysgodol i’r UNCRDP yng Nghymru ac er mwyn cael cymaint o wybodaeth o amrywiaeth mor eang â phosibl o ffynonellau, rydym yn rhoi galwad agored am dystiolaeth ar y pwnc hwn.
Canllawiau cyflwyno
Gellir rhoi tystiolaeth mewn unrhyw fformat, gan gynnwys dogfen Word, PDF neu ffeil sain. Boed hynny’n adroddiad rydych chi’n meddwl y dylem ei ddarllen, tystiolaeth rydych chi am ei rhoi i ni neu wybodaeth gan eich sefydliad.
Sicrhewch eich bod yn ysgrifennu “DW UNCRDP Tystiolaeth” yn y llinell pwnc e-bost, er mwyn helpu i sicrhau na fyddwn yn colli eich e-bost.
Y dyddiad cau ar gyfer cyflwyno ceisiadau yw 22ain o Dachwedd 2021. Os na allwch gwrdd â’r dyddiad cau hwnnw am ba bynnag reswm, cysylltwch â ni cyn y dyddiad cau.
Am unrhyw gwestiynau eraill neu os oes angen unrhyw help arnoch i gyflwyno, cysylltwch â Megan Thomas trwy e-bostio megan.thomas@disabilitywales.org neu ffoniwch ni ar 029 20887325.”
