Rydym wedi ein syfrdanu gan golled Simon Green, yr ymgyrchydd hawliau anabledd a oedd yn aelod hir-amser o’n Bwrdd Cyfarwyddwyr yn Anabledd Cymru.
Roedd effaith Simon yn enfawr, ac fel Cadeirydd Clymblaid Pobl Anabl Pen-y-bont ar Ogwr fe ymgyrchodd yn ddiflino am well mynediad a chefnogaeth o ran gwasanaethau lleol yn ogystal ag eiriol dros unigolion di-rif i gyflawni eu hawliau.
![A black and white photo of Simon sitting by a table laden with papers. There are plants in the background](http://www.disabilitywales.org/wp-content/uploads/2022/03/51934_446995497150_3663972_o.jpg)
![Simon holding his arm aloft holding a couple of cards. There is a person behind him also holding a card](http://www.disabilitywales.org/wp-content/uploads/2022/03/23154750_10155101766132151_2332734262552492147_o.jpg)
![Simon sitting by a table with a man and a woman, they observe paperwork at a conference.](http://www.disabilitywales.org/wp-content/uploads/2022/03/10626719_10152449443492151_7146223809313273929_n.jpg)
Ar lefel genedlaethol, roedd yn ymgyrchydd proffil uchel yn fwyaf nodedig ar fynd i’r afael â Throseddau Casineb Anabledd, gan gymryd rhan mewn rhaglenni dogfen ar y teledu ac roedd yn siaradwr angerddol mewn llawer o gynadleddau a digwyddiadau, gan dynnu ar ei brofiad ei hun.
Bydd positifrwydd, egni a hiwmor Simon yn cael eu colli’n fawr yn AC a’r cyfan a gyfrannodd at ddatblygiad ein sefydliad fel llais cryf i bobl anabl yng Nghymru.
Roedd Simon yn fodel rôl i lawer a’i etifeddiaeth fydd y ffordd yr ysbrydolodd y genhedlaeth nesaf o eiriolwyr anabl i fod yn falch o’u hunaniaeth a mynnu eu hawliau.